ٱش عندي أشنو رسمالي أنا فقير مياوم عايش عيشت البوهالي كل مرة لابس دربالة اليوم صباغ غذا بناي بعد نجار ندبر حالي انهار بنهار ارجايا في الرب العالي وحدو يعلم أسراري لا اسماحة لدوك اللي مسحو الساحة بالݣومة والممساحة لدوك او هدوك او حتى لخرين اللي جمعو ݣاع احروف الزين خلاونا امعمشين ياك احسبت تسعة او تسعة واعرفت بلي احنا اولاد تسعة كيفاش شي ولا تاجر او شي سلعة ٱش اجرا واطرا حتى الشواري ولا تحت البردعة عايشين حياة الݣرنة اقوي يوزع الضعيف ما ابقات في لقلوب امحنة الشباب والشياب كلها ݣنفات ولا لبحر باب اطفا اشحال من شمعة او سالت اشحال من دمعة السفاحة يشربو دمنا ويتسابقو على باب الجنة جمعو الغلة زادو في لغلا لا دين لا ملة واش الجمل يرعى مع النملة ياك اللي جمعاتو اداه في همصتو خلاها اتشوى.
