ضاقت فلما استحكمت حلقاتها
ظنيت بـ إن الضيقة مش زايلة
ف رفعت إيدي وقولت ياربنا
وحدك هتقدر تعدل المايلة
ضاقت فلما استحكمت حلقاتها
ملقتش إيد تسند وتشيل معايا ف ازمتي
ملقتش شخص وحيد يسأل عليا ف محنتي
ويقول همومنا ويمشي جنبي ف سكتي
من خاف سلم ..
وانا لما خوفت رموني بالنار اللي أكلت جتتي
مايجوزش أبدا تشتكي
أو حتي تصرخ م الالم
ومن الهموم
مظلوم مابين الناس بدون أدني سبب
متداس عليك وضعيف ومش قادر تقوم
ضاقت يارب .. ضاقت أوي
وانا رغم صبري ضعيف أوي
وإنت القوي ..
انت اللي قادر تمحي خوفي ودمعتي
وإنت اللي قادر تضوي ف الليل شمعتي
وانت اللي حاسس خنقتي
خليني بس أقوم المرة دي
ضاقت يارب
الدنيا قفلت كل أبوابها
وكإنها ٱمرأة العزيز ، ومفيش مفر
لكني كلي يقين انك هتفرجها
الناس جميعاً مش هاممها الناس
لكن اهم كتير ازاي هنإذي فُلان
وازاي ف لحظة من الزمن
هيخلصوا الجُثمان
وهيرموا للفُقرا بواقي العضم
علشان يشبعوا
الدنيا أقسي من الحجر لو تمدغه
والدنيا أكبر عدو بالنسبة للإنسان
ضاقت يارب
وكل يوم بتضيق
بناديك تنور عتمتي
وتداوي ضيقتي وخنقتي
وتفك كرب اللي ناداك ف الليل
ضاقت ف لما استحكمت حلقاتها
جاني الفرج من كل ضيقة دخلتها
وبقيت يارب سعيد .
-
-
-
-
-
-
